Resumaziun
A Trun exista gia ina fetg buna infrastructura sco center da viver per tuts habitonts. Quella ei denton fermamein periclitada tras la rapida digren dalla populaziun e cun la aunc pli sperta digren dallas naschientschas.
Pliras discussiuns el forum Interess Trun han menau alla perschuasiun che Trun hagi in ferm potenzial existent per sviluppar vinavon bunas cundiziuns per in bien futur dil vitg. Quei futur ei mo pusseivels, sche Trun vegn per famiglias in dils pli attractivs vitgs en Surselva. Trun sto crescher!
Per saver detagliadamein tgei che giuvnas famiglias giavischan per eleger il domicil a Trun han ellas survegniu gia il mars 2012 in questiunari. Sin fundament dallas numerusas rispostas ha Interess Trun elaborau dus projects: In ei quel per la tgira d'affons e l'auter s’occupescha cun habitaziuns adattadas per famiglias.
Nus lein ina informaziun ed in discuors tras l'entira populaziun. Tuts ensemen essan nus responsabels pil futur da Tun. Aschia havein nus decidiu da porscher ina pagina d'internet www.interesstrun.ch. Nus edin periodicamein ina brev electronica. Tuts ein envidai da separticipar al svilup da Trun.
Interess Trun:
Nus patertgein pli baul vid pli tard …
… e fagein pli baul per pli tard!