Historia dil forum Interess Trun
Gia all'entschatta december 2011 ein entgins paucs habitonts da Trun seradunai ad ina discussiun sur dil futur da Trun.
Impuls leutier ha dau la statistica dalla digren dils affons da scola, che las gerauas da scola da Trun: Gabriela Tomaschett e da Sumvitg: Teresita Eicher havevan presentau. Las consequenzas da quei svilup dalla populaziun han fatg – e fan aunc adina – quitaus per igl avegnir da Trun.
Pliras discussiuns el forum Interess Trun han menau alla perschuasiun che Trun hagi aunc in grond potenzial existent da sviluppar vinavon bunas cundiziuns per in bien futur. Quei avegnir ei mo pusseivels, sche Trun vegn in dils pli attractivs vitgs en Surselva per famiglias. Mo projects turistics persuls san buca purtar igl avegnir da Trun.
Per saver detagliadamein tgei che giuvnas famiglias vulan, ha Interess Trun tarmess gia il mars 2012 in questiunari a giuvens geniturs, sesents a Trun ni ella regiun. Sin fundament dallas numerusas rispostas ha Interess Trun elaborau dus projects: il project „tgira d'affons“ ed il „project d'architectura“.
Ils treis discuors cun la cumissiun communala „Trun egl avegnir“ ha mussau che nus fetschien buca parallelmein la medema lavur. Nus havein mintgamai informau sur dil progress da nos projects.
Ils 25 da fevrer 2013 havein nus presentau ils dus projects alla suprastonza. Ella ei d`accord cun nies agir e sustegn nies project era finanzialmein. Nus duvrein sustegn politic per realisar il beinstar da famiglias, per il beinstar da Trun – era el futur.
Nus lein ina informaziun ed in discuors tras l'entira populaziun. Tuts ensemen essan nus responsabels pil futur da Tun. Aschia havein nus decidiu da porscher ina pagina d'internet www.interesstrun.ch e d'edir periodicamein ina brev electronica. Tuts ein envidai da separticipar al svilup da Trun.
Il svilup da interess Trun
Fevrer 2013:
Commembers dil forum Interess Trun ein sepresentai il fevrer 2013 ala suprastonza communala ed ala cummissiun Trun egl avegnir. Nus havein declarau e giustificau igl intent e las finamiras dil forum Interess Trun. Plinavon havein nus inoltrau la damonda da sustegn finanzial da 40'000 francs per in preproject d'architectura.
Matg 2013:
Il matg 2013 ha Interess Trun survegniu la confirmaziun dil sustegn finanzial e gest silsuenter entschiet las lavurs concretas dil preproject d'architectura cun ils commembers dal forum Iteress Trun Werner Schmidt e Patrick Rothmund.
Matg 2013 entochen uost 2014:
En nummerusas seduttas cun ils architects ha Interess Trun elaborau plirs studis d'architectura ed evaluau differents pusseivels loghens da baghegiar en Trun. Quels ston numnadamein corrispunder als baesgns da giuvnas famiglias cun affons (tenor las rispostas als questiunaris tarmess a giuvnas famiglias il mars 2012. Mira: www.interesstrun.ch ).
Plinavon ha Interess Trun giu pliras discussiun cun proprietaris da schischoms e cun pusseivels affitaders. Cun responsabels da bancas havein nus evaluau pliras pusseivladads pertuccont la finanziaziun. Plinavon havein nus discuriu cun interprendiders e possessurs da fatschentas sur da pagas e pusseivles tscheins per habitaziuns.
Entochen la fin matg hevein nus elaborau in detagliau project aschi lunsch ch'el era preparaus per l'execuziun definitiva.
Aschia era la part sustenida finanzialmen dalla vischnaunca terminada. Perquei ha Interess Trun presentau il matg 2014 il project ala suprastonza communala ed ala cummissiun Trun egl avegnir. Lez han muossau lur consentiment ed animeschau il forum Interess Trun da continuar cun la lavur. Il project seigi impurotnt per il futur da Trun. Da lur vard separtizipeschan neginas persunas al project. Aschia resta Interess Trun in forum politicamein independent e fetg agibels.
Uost 2014:
Ala radunonza da Interess Trun dils 29 d'uost 2014 ei la suprastonza commnala vegnida informada en detagliadameni sur dil project. Silsuentetr ei vegniu decidiu da continuar las lavurs per realisar il project schi spert sco pusseivel. Impurtont ei in bien plan da finaziaziun. Schi gleiti che quel seigi fixaus, dueigi Interesse Trun puspei informar la suprastonza communala.
October 2014:
Ils 20 d'october ha Interess Trun informau la suprastonza communala sur dallas pusseivladads da finanziaziun dil project d'architectura e proponiu d'informar plinavon il cussegl da vischnaunca e silsuenter la populaziun da Trun.
Ils 4 da december 2014:
Informaziun el cussegl da vischnaunca.