interessTRUN

… ei in forum da habitonts da Trun en favur da Trun.

Nus lein per Trun in avegnir cun valurs e finamiras cuzzeivlas en ina dimensiun raschuneivla.
Nus lein promover las activitads en favur da famiglias, dalla giuventetgna e dall`economia.
Nus lein nezegiar infrastructuras existentas e reactivar ellas cun novas ideas.

Nus lein Trun sco center adattau da viver per giuvnas famiglias.
Perquei lein nus promover e sustener ils interess dallas famiglias e dalla giuventetgna.

Nus lein Trun cun finamiras economicamein cuzzeivlas e finanzialmein supportablas.
Nus lein agir en favur dalla caussa, independentamein da gruppaziuns.
Nus essan independents da cumissiuns e gruppaziuns.
Nus essan politicamein independents.
Nus lein e giavischein che mintgin sappi dir siu meini aviartamein e directamein (ni sin www.interesstrun.ch), denton cun respect vicendeivel.